Las concurrenzas da chor èn concurrenzas allegras

L'Uniun svizra dals chors (USC) e ses commembers organiseschan regularmain concurrenzas da chors. En il rom da quellas pon ils chors sa mesirar in cun l'auter. Las chantaduras ed ils chantadurs vegnan motivads da s'engaschar a moda extraordinaria ed al public vegn purschida ina concurrenza musicala attractiva.

La concurrenza svizra da chors ha lieu ils 27 fin 29 october 2023 a Cuira.

La Concurrenza svizra dals chors ha lieu circa mintga trais fin quatter onns. La proxima ediziun ha lieu l'onn 2017 ad Aarau. A las otg concurrenzas che han gì lieu enfin ussa han participà passa 8000 chantaduras e chantadurs.

Las concurrenzas da chors han la finamira da

  • pudair parter cun auters il plaschair da chantar
  • pussibilitar a chors ina cumparegliaziun directa
  • promover e distinguer la qualitad cantica
  • mussar differentas pussaivladads da represchentar in'ovra
  • demonstrar il chant sin in aut nivel
  • render enconuschent il chant choral ad in public vast

Ils chors che participeschan vegnan valitads d'ina giuria e rangads tenor puncts. Ils ensembles sin ils emprims plazs obtegnan per il pli daners u auters premis. Savens po er il public surdar in premi.

Las proximas concurrenzas da chors – er sin nivel internaziunal – chatt'ins en las occurrenzas.