Ils patrunadis: in sustegn per projects da chant

L'Uniun svizra dals chors (USC) po surpigliar in patrunadi per occurrenzas da chant e per auters projects. Dumondas en quel connex pon vegnir drizzadas al secretariat general.

L'USC porscha las suandantas prestaziuns:

  • ella metta a disposiziun il know-how musical dals commembers da la cumissiun da musica;
  • ella fa contribuziuns publicisticas en la revista svizra da chors «chorus» e sin la pagina-web da l'USC e las menziuna en las occurrenzas;
  • ella metta a disposiziun la pagina-web da l'USC;
  • ella metta a disposiziun adressas (per exempel da chors, d'experts, etc.);
  • ella intermediescha contacts cun las associaziuns chantunalas;
  • ella dat la lubientscha da duvrar il logo ed il num da l'USC.

Ils organisaturs ston ademplir las suandantas cundiziuns:

  • L'USC spetga sco uniun da patrunadi che ses logo e ses num vegnia plazzà sin tut ils palpiris uffizials (brevs, fegls sgulants, placats) e sin paginas-web.
  • Ils organisaturs ston infurmar l'uniun da patrunadi davart ils cuntegns ed il stadi da l'occurrenza.
  • Per occurrenzas d'organisaziuns da na-commembers resalva l'USC il dretg da pretender in'indemnisaziun finanziala.

La direcziun generala decida, sch'il patrunadi vegn surpiglià.