Novitads
<< enavos
Stad da festivals 2019
Singing week Flanders
Il program dal festival porscha insatge per mintgin. Sper workshops innovativs sco par exempel «il dretg tempo» u davart musica da chors per e da dunnas, datti mintgadi chant cuminaivel ed in program per uffants. Per novizs da diriger datti era in curs adattà. Tecnica da direcziun, trenament da la vusch sco era visitas als differents ateliers fan part dal program. Per ils curs da direcziun po ins annunziar fin als 15 da mars.
https://www.koorenstem.be/en/project/international-singing-week-flanders
Nordklang
A Helsingborg, el sid da la Svezia, ha lieu dals 26 fin 29 da zercladur il festival Nordklang. Quel vegn organisà mintga trais onns, e porscha quest onn il suandant: Dudesch ateliers, concerts e diversas partis – in eveniment musical intensiv. Termin d’annunzia è ils 31 da mars.
https://www.nordklang.org/en/
Choralies
Dal barbershop fin a chors d’opera: La 23avla ediziun dal festival a Vaison-La-Romaine empermetta ina gronda paletta da stils e geners. Ils participants pon decider tranter workshops curts e lungs. Vinavant datti ateliers per giuvenils. Era il Eurochor ha lieu a chaschun da quel festival.
https://choralies.fr
