Novitads
<< enavos
Concert d’inscunter, era cun barrieras linguisticas
Ils dus chors da giuvenils s’han inscuntrads per ina prova cuminaivla il suentermezdi. Suenter ha il chor ospitant mussà a ses giasts la citad veglia da Cuira. Suenter ina tschaina cuminaivla deva anc ina prova principala, curt avant ch’els han cumenzà a las 19:00 a chantar pels blers aspectaturs.
Christian Klucker da la StimmWerkBande e Mario Fontana dal Coro Calicantus sa midavan giu sco dirigents. En il repertori era ina pluna chanzuns, tranter els ina rumantscha da Gion Balzer Casanova ed ina dal Tessin, da Bepi De Marzi. Suenter la standing ovation ed in‘ulteriur supplement s’ha il chor dal Tessin puspè mess en viadi vers chasa. Ils da Locarno sa pon schon allegrar, ch’il chor Grischun arriva en lur citad.
Il program «EchangeChoeurs» ha lantschâ il SKJF, Movetia (agentura naziunala per mobilitad e barat) e da la fundaziun Binding da Basilea. Ils projects da concerts, ch’ils chors svizzers d’uffants e giuvenils da differentas regiuns linguisticas han inoltrà, survegnan grond sustegn finanzial da la fundaziun Binding.
Ulteriurs projects da «EchangeChoeurs» han lieu en cumenzament d’avrigl 2019:
● Ils Choeur du Collège Saint-Maurice (Damien Luy) s’inscuntra cun il chor da giuvenils da la scola da chant Cantiamo Oberwallis (Hansruedi Kämpfen) per in concert da passiun (Requiem und Messe von Michael Haydn).
● Il Kollegium Heilig Kreuz Freiburg (Pascal Mayer) ed il Collège du Sud Bulle (Bernard Maillard) chantan ensemen la «Krönungsmesse» e la «Vesperae solemnes» da W.A. Mozart.
Fotografia da Anna Laura Klucker, concert da la StimmWerkBande Tamins e conturns ensemen cun il Coro Calicantus Locarno, favrer 2019 en la Erlöserkirche a Cuira.
Fotografia da Anna Laura Klucker, concert da la StimmWerkBande Tamins e conturns ensemen cun il Coro Calicantus Locarno, favrer 2019 en la Erlöserkirche a Cuira.
Fotografia da Anna Laura Klucker, concert da la StimmWerkBande Tamins e conturns ensemen cun il Coro Calicantus Locarno, favrer 2019 en la Erlöserkirche a Cuira.
Renate Leu (translaziun: Flurin Clalüna)
