Novitads
<< enavos
Festival svizzer per chors d'uffants e giuvenils SKJF2019 sut il motto «Swiss E
Il festival svizzer per chors d’uffants e giuvenils SKJF va cun la «Swiss Edition» 2019 en la 7avla runda. Quest onn ha el lieu en las hallas da faira ed en ils locals da concert a Lucerna. Cumenzà ha tut dal 2007 cun ina gruppa enturn Michael Gohl a Turitg; i suandavan 2009 Schaffusa, 2011 Losanna, 2013 Son Gagl, 2015 Mustér e 2017 Lugano.
Il comité d’organisaziun giuven ed iniziativ sut la direcziun da la chantadura da Lucerna Patricia Flury prenda la 7avla ediziun en la Svizra Centrala l’occasiun, da pachetar uschè bler «Swissness» sco pussibel en il festival. Quai sa dess mussar tar ils programs da concert dals chors, tar ils Open Singings cun Dominique Tille da Lausanne ed era a chaschun d’il SingplausCH cun chors dad uffants da scola primara en sonda, 1 da zercladur 2019 sut la batgetta da la dirigenta da Basilea Maria Laschinger. Era ils workshops prendan la Svizra cun sia bellezza, inspiraziun e creaziun sco tema. Per quai ha ins engaschà 16 manaders d’atelier da tut la Svizra.
Per il Songbook ha ins dumandà tar cumponists svizzers per novas chanzuns ed arranschaments. Il resultat final è in quadern divertent, che preschenta la musica da chors svizra en tut sias fassettas: da classica fin musica da pop e da musica populara fin al la motetta sacrala.
Nov ed era degn da vegnir menziunà è il project «Echange Choeurs». En il concert da gala en sonda 1. zercladur preschentan chors da tut las regiuns linguisticas lur collavuraziun. SKIF collia – en collavuraziun cun l’agentura naziunala Movetia e cun la fundaziun Binding – chors da differentas linguas.
Ils formulars d’annunzia sa chatta en la rait.
In cuc sin la pagina d’internet dal SKJF www.skjf.ch e sin la pagina dal festival www.skjf19.ch sa renda segira. Ultim termin d’annunzia è ils 31 d’october 2018.
Vreni Winzeler
