Novitads

Uniuns chantunalas 19.03.2025

<< enavos

Cundiziuns d'engaschament per dirigents da chors

Suenter in’invista en il dretg da lavur è vegnì discutà pli detagliadamain davart il contract da lavur. Ils differents aspects dals contracts privats (per chors d’uniun) e contracts d’instituziuns publicas (p.ex. en plaivs, scolas da musica) èn vegnids preschentads.

In contract da lavur cumpiglia adina obligaziuns, tant per il patrun sco per l’impiegà. Las discussiuns han mussà ch’i fiss in’idea da stgaffir in catalog d’obligaziuns per definir tge che vegn pretendì dal dirigent da chor en il manaschi normal e tge che sto vegnir indemnisà sco lavur extraordinaria. In punct central da discussiun è stà l'organisaziun dals pajaments. La gronda part dals preschents è stada da l’avis ch’in pajament regular mintga mais saja la meglra soluziun: quai reducescha la lavur per il cassier ed simplifitgescha la calculaziun da las indemnisaziuns da vacanzas e contribuziuns socialas. Suenter duas uras da discussiuns vivas è l’eveniment vegnì terminà cun questa frasa: «Il Dretg è l’art d’exprimer cun pleds che nagin na chapeschia insatge che tuts san gia».

Alban Müller