Novitads

Appenzell 11.07.2024

<< enavos

Ils 22 e 23 da zercladur 2024 steva Speicher AR sut l’ensaina dal chant. 19 chors d’uffants, giuvenils e creschids da l’Uniun da chors da l’Appenzell han prendì part a l’occurrenza da giubileum ed han fatg resunar il vitg.

Ils 22 e 23 da zercladur 2024 steva Speicher AR sut l’ensaina dal chant. 19 chors d’uffants, giuvenils e creschids da l’Uniun da chors da l’Appenzell han prendì part a l’occurrenza da giubileum ed han fatg resunar il vitg.

Concerts communabels emplenids plain, ina grondiusa atmosfera en la tenda da festa e per finir in degn act festiv cun Philipp Langenegger sco Johann Heinrich Tobler: Tut quai ha fatg ord la fin d’emna ina festa da giubileum nunemblidaivla. Bler chant, plaschair, emoziuns ed in patgific restar ensemen han dà il bul sin la festa cun var 600 chantaduras e chantadurs a Speicher AR. La fin finala ad in lieu memorabel, il Vögelinsegg cun la statua da Johann Heinrich Tober, è vegnì a ses punct culminant cura che tut la glieud ha chantà ensemen, accumpagnà da la Brass Band Rehetobel, la chanzun da la mastralia, l’imni da l’Appenzell.

Ina idea degna da celebrar la pli veglia uniun da chors da la Svizra a quel lieu, nua che l’istorgia da quella uniun ha cumenzada: Il 1825 aveva numnadamain lieu l’emprima festa da chant documentada sin il Vögelinsegg a Speicher. L’idea da questa emprima versiun d’ina festa da chant è vegnida purtada or en il mund ed ha uss probablamain ses punct culminant a Tallin tar il Festival Laulupidu, nua che dapli che 32’000 chantaduras e chantadurs ed in grond public èn da la partida. I fa vegnir losch, sch’ins po leger sin la pagina d’internet dal giga-event en l’Estonia, che sias ragischs èn a Speicher AR.