Novitads

Associaziuns chantunalas 22.04.2021

<< enavos

Bereit für den Neustart? - Pronti per la ripartenza? - Ussa pir dretg!

Per il nov cumenzament porscha l’Uniun chantunala da chant dal Grischun insatge per la motivaziun:  

 

Bereit für den Neustart? - Pronti per la ripartenza? - Ussa pir dretg!

in viadi impressiunant e musical tras la scena da chors grischuna

 

En il film curt vegnan chantaduras e chantadurs da tut las regiuns a pled. Il reschissur Julian Grünthal ha creà in film motivant e commovent davart il nov cumenzament malgrà corona. 

I renda da guardar el!

Qua vai directamain tar il film: https://buendner-choere.ch/ussa-pir-dretg/

L’Uniun chantunala da chant dal Grischun è interessà vid ulteriuras istorgias davart la nova entschatta.

Fa Voss chor schon puspè provas? Gea u Na? Nua, co,…..?

Scrivai davart Vossas experientschas motivantas, interessantas u divertentas en ils commentaris sin la pagina d’internet.

Nus ans legrain da leger dapli da Vus! Grazia fitg!

Sco ulteriur punct culminant vulain nus pli tard anc lantschar ina concurrenza da film per chors d’uffants, scolars e giuvenils.

Cordials salids

Lucretia Bärtsch e tuttas e tuts che lavuran per l’Uniun chantunala da chant dal Grischun