Novitads
<< enavos
La svizra chanta, Gossau resuna
Mo mintga set onns ha lieu la festa svizra da chant, la proxima giada la fin da matg 2022. Organisada vegn la proxima da l’uniun purtadra FSC22 ensemen cun ils chors da la regiun Gossau, quai sin incumbensa da l’Uniun svizra da chors. La festa svizra da chant 2022 a Gossau duai esser in pau auter ch’autras festas. Il duai esser frestg, porscher sper musica tradiziunala er musica da jazz, pop e classica. E quai n’è anc betg tut. La festa a Gossau duai esser in lieu da sentupada per giuven e vegl, per glieud da tut las regiuns linguisticas, per glieud dal vitg e da la citad. La festa duai mussar durant nov dis la gronda variaziun culturala da la Svizra, enramà da noss hobby preferì, il chantar. Ditg curt: Il Festival svizzer da chant 2022 duai esser da mintga perspectiva in grondius eveniment!
Chantar sco forza sociala
Cun il festival da inscunters vulan ins preschentar e derasas differenta musica da chors. El duai motivar a tut la populaziun – er quels che na chantan betg – da sa barattar or. Perquai vegn era envidada la scena da chors giuvna ed urbana. En il festival vai per la diversitad, betg mo areguard ils participants ed reguard las generaziun, numnadamain er areguard ils concerts da festa, ils giasts envidads, ils ateliers ed ils differents lieus per chantar. La finamira è, ch’il chantar daventa ina sort forza sociala. En il center stat perquai ils chantar communal cun tut las persunas preschentas.
Gronda purschida musicala
Ils organisaturs quintan cun var 500 chors e var 15'000 chantaduras e chantadurs. Sin quels spetga ina gronda selecziun musicala. Sin il plan stattan concerts d’inscunter, la participaziun a concerts da festa, represchentaziuns davant giuria, concerts sin ina insla da chant, la visita da differents ateliers, il chantar durant in cult divin e purschidas spezialas per chors d’uffants e giuvenils. Tut las purschidas chattan ins sin la pagina d’internet www.sgf22.ch.
En il center musical da la festa, stat ina gronda tenda da chant sin l’areal. En la tenda da circus han lieu sper occurrenzas uffizialas, sco l’avertura e las festivitads finalas er concerts cun fin 1'500 chantaduras e chantadurs.
Program turistic
La visita a la festa da chant a la fin dal matg 2022 sa lascha cumbinar bain cun in viadi tras la Svizra orientala. En collavuraziun cun las organisaziuns turisticas datti in pèr purschidas interessantas. I dat per exempel ina tura tras il district da la Claustra da Son Gagl (Patrimoni cultural mundial UNESCO) cun visita da la biblioteca dal chapitel, ina visita dal Walter-Zoo a Gossau, in viadi en il vitg dad Appenzell u ina visita en la chascharia a Stein AR, in viadi sin ina da las muntognas en vischinanza (Säntis, Hoher Kasten, Kronberg u Ebenalp), ina visita dal museum da Würth a Rorschach eui. La purschida è gronda, ed ins po cumbinar ella cun il chant. Co fissi per exempel cun chantar sin il Sentis, en la catedrala da Son Gagl u sin ina bartga sin il Lai da Constanza? In viadi da dus dis porscha il rom ideal per differentas activitads, dentant er per tadlar ad auters chors.
Uss annunziar
Il comité d’organisaziun dal FSC22 è persvas, ch’il festival dals 20 fin ils 28 da matg 2022 po avair lieu tenor plan. Malgrà corona van las preparaziuns per la festa da chant vinavant. Ed per tut las chantaduras e chantadurs, che teman, ch’ellas ed els n’han betg pli temp avunda da sa preparar sin il festival: En il center dal festival stat il chantar ensemen, il plaschair ed ina festa da cumpagnia. Il FSC22 n’è betg ina concurrenza, malgrà in eveniment da chant. Là na dependa betg, sch’il chor n’è betg en la meglra furma.
Dapi la fin da schaner pon chors da tut la Svizra e dal exteriur cunfinond s’annunziar per il festival. Il termin d’annunzia scada la fin da l’avrigl 2021. Il program musical ed il dumber da participantas e participants ston ins pir annunziar la fin dal schaner 2022.
Infurmaziuns e la pussaivladad da s’annunziar datti sin la pagina dal Festival svizzer da chant FSC’22:
www.sgf22.ch.
La mesadad dal mars datti vinavant in proxim Newsletter cun infurmaziuns actualas. Per abunar il Newsletter pon ins cliccar sin quest link (giusut sin la pagina): www.sgf22.ch
In sguard plain speranza sin il FSC22 – malgrà scumond da chantar – dat Guido Helbling, il president da la cumissiun da musica dal FSC22, en l’emissiun «Fiirabigmusig» da SRF.
Link sin l’emissiun «Fiirabigmusig»
https://www.srf.ch/audio/fiirabigmusig/vom-singverbot-zum-gesangsfestival?id=11937337
Durant il FSC22 datti pliras pussaivladads per chors da sa preschentar. Qua ina curta survista:
Concerts da sentupada
Sentupadas da dus fin trais chors, cuzzan var 60 minutas. Er pussibel cun pliras generaziuns: Chors d’uffants e giuvenils s’entaupan cun chors da creschids – per exempel cun in «Chorpuzzle» ensemen cun in chor dal SKJF il venderdi, ils 27 da matg. Il program da concert pon ins eleger sez, inclusiv chanzuns communablas ord il Songbook.
Concerts da festa
Concerts dad aut nivel cun litteratura interessanta e varianta. Cuzzan 60 minutas. Dus u trais chors preschentan ensemen in titel dal concert. Concept ed idea ston ins inoltrar cun l’annunzia. Dumandà èn surtut differentas furmaziuns e variantas da represchentaziun.
Concerts davant expertas ed experts
Represchentaziun da quatter chors, cuzza 60 minutas. Tut ils quatter chors èn da la partida da l’entschatta davent e chantan in suenter l’auter. Mintga chor chanta otg fin maximal dudesch minutas, minimum ina chanzun sto esser a cappella. Duas expertas u experts èn al lieu. In da quellas maina pli tard in discurs cun il chor. Sin giavisch datti ina nota per la represchentaziun.
Insla da chant
Inslas da chant èn pitschens podests u plazzas a Gossau. La represchentaziun cuzza maximal 15 minutas.
Ateliers d’emprova
Ina giada empruvar or insatge auter, sco per exempel: jodlar, show-choir, Circle Song, chant armonic (Obertonsingen), parada da hits classica, chanzuns dad ABBA, chant gregorian, chanzuns d’animals en il zoo, chanzuns da biera en ina bieraria u in inscunter cun il chor viril Heimweh, in curs cun Martin O. ed uschia vinavant. Ils ateliers pon visitar persunas singulas, sco er entirs chors. La glista cun tut ils ateliers vegn publitgada il atun 2021. Temp per s’annunziar han ins dal prim da schaner fin ils 30 da mars.
Cult divin
En las baselgias dals conturns da Gossau (da Flawil fin Son Gagl u Appenzell) sa legran las plaivs catolicas ed evangelicas sin in chor che chanta durant il cult divin – la sonda, dumengia u durant ascensiun. Chors interessads survegnan las adressas da las plaivs. Il program pon ins definir sez, en discurs cun la reverendessa u il reverenda.
Rapport mad
