Novitads

Associaziuns chantunalas 13.11.2020

<< enavos

Chalender d’advent online per chors Grischuns

En la natira èsi vegnì ruassaivel e stgir. Er il fraid tschertga plaun a plaun sia via tras las giaccas da la glieud. Il temp d’advent è arrivà. Termins per concerts d’advent e da Nadal èn schon ditg en las agendas, las notas èn scumpartidas ed intgins chors han schon exercità. Sco mintg’onn, atgnamain…

E tuttina è quest onn tut auter. Tut las provas e concerts da chors laics èn vegnids annullads, perquai ch’il chantar è vegnì scumandà. In schoc! Gest en quest temp ha il chantar e far musica en famiglia, en scola ed ils chors tradiziun e n’è betg da s’imaginar senza. Quest onn datti dentant el vast segn dal pled in temp da Nadal e d’advent quiet.

Per interrumper la quietezza per in mument e per crear in pau atmosfera da Nadal en las chasas, ha la cumissiun da musica dal BKGV lantschà in chalender d’advent «musical». Tut ils commembers dal BKGV han gì la pussaivladad da trametter lur contribuziuns per il chalender. Registraziuns d’audio e video ord l’archiv èn stads uschè bainvesids sco er artitgels da gasetta, fotografias u contribuziuns creativas ed actualas. Il resun è stà grond ed igl è gartegià da crear in chalender multifar e varià.

Il chalender d’advent online è da chattar dapi il prim da december sin la pagina d’internet dal BGKV www.buendner-choere.ch.

 

Selina Bontognali (Translaziun: Flurin Clalüna)