Pagina iniziala
<< enavos
24avla Radunanza dals delegads da la SCV
Sut in tschiel serain èn sa radunads la sonda, ils 26 d’avrigl, 45 delegads e delegadas da l’Uniun Svizra da Chors a Murten. Il program preliminar da la 24avla radunanza dals delegads ha previs ina visita guidada tras la pitschna citad pittoresca. Spartids si en quatter gruppas han ils participants schizunt pudì visitar il mir da citad cun sias turs. En il chanal da la chasa communala ha la presidenta da la citad da Murten, Petra Schlüchter, beneventà la delegada cun in aperitiv.
La fermezza dals chors crescha puspè
Per la tschaina è la gruppa ida en il center da furmaziun da la SBB a Muntelier-Löwenberg, nua che la radunanza dals delegads ha era gì lieu l’auter di. Las chanzuns dal chor La Chanson du Lac de Courtepin suttamess a la direcziun da Damien Savoy ha procurà per divertiment durant la tschaina. Durant la finiziun ha la glieud gì la chaschun da sa barattar en in’atmosfera lucca e allegra.
L’auter di ha il president central, Christof Ramseier, avert punctualmain la radunanza. Cun 65 delegads era la radunanza cleramain abla da decider. Ultra da quai eran preschents 17 giasts.
La dinamica dals chors mussa ch’ils singuls chors creschan puspè dapi Corona. I na dat bain betg dapli chors, però dapli chantaduras e chantadurs per chor. Las contribuziuns dals chors commembers pon restar sco enfin qua. La SCV surpiglia ils custs per ils chors d’uffants e da giuvenils.
Projects actuals da la SCV
La vicepresidenta Rahel Butzerin ha infurmà davart in nov project captivant: «Singwege». En mintga regiun linguistica duai dar ina sort via da chant cun chanzuns tipicas da la regiun. En il Toggenburg duai l’emprim “Singweg” vegnir realisà probablamain l’onn 2026 en collavuraziun cun il «Klangweg Schweiz».
Lukas Bolt, responsabel per il sectur musical, ha infurmà davart il uschenumnà Sounding Board, ch’ha remplazzà la cumissiun da musica e ch’ha gì il schaner 2025 sia emprima sesida. Ils participants sa deditgavan principalmain a la finiziun ed a la schliaziun successura da la furmaziun supplementara per dirigents da chor CH II. In ulteriur tema impurtant è il svilup dal sistem d’expert:as. Per che las recumandaziuns als chors daventian anc pli valurusas ord punct da vista pedagogic, duain futurs schef-expert:as collavurar pli stretgamain cun ils expert:as ed als instruir.
In tema impurtant era la revisiun parziala dals statuts. Grazia a duas workshops da preparaziun ch’han gì success han delegadas e delegads acceptà unanimamain la revisiun parziala.
Muments musicals
Il giuven chor Diverticantus sut la direcziun da Naomi Spicher ha procurà cun sias vuschs masculinas mirvegliusas per muments da pel-giaglina. Era ils preschents han chantà e commemorà uschia trais commembers da l’USC ch’èn morts ed impurtantas figuras ord la scena dals chors: Jean-Pierre Salamin, Pierre Blandenier e Jean Ducret.
Vista davent dal mir da citad (maletg: Karl Graf)
Ausrichtung: oben
Grazia a la lavur preparatorica exacta da la direcziun, ch’è vegnida prestada voluntarmain, è la 24avla radunanza dals delegads vegnida manada tras senza incaps.(maletg: Karl Graf)
Ausrichtung: oben
Isabelle Schmied-Gloor
