Pagina iniziala

Musica 12.09.2022

<< enavos

Musiques populaires suisses / Musica popolare svizzera / Musica populara svizra / Schweizer Volksmusik

Ils represchentants e las represchentantas da las uniuns han proponì tocs da musica indesistibels, che valan sco cartas da visita per las regiuns. Cura ch’ins ha chattà quatter tocs pro regiun, han ins tramess quella a gruppas da chant u instrumentalas per laschar registrar in arranschament. Ulteriuras directivas n’hai betg dà. La suletta regla: avair plaschair vid il toc ord l’autra regiun. Il resultat fa plaschair: ins bada las differentas caracteristicas musicalas da las regiuns. Il repertori, ch’è tant tradiziunal sco er modern, s’adressescha a tut las generaziuns.

Fertant ch’intgins tocs èn simplamain vegnids instrumentads da nov, cun intginas midadas en l’armonia u la furma, èn auters vairas cumposiziuns novas. Uschia sa mida per exempel il toc amuraivel «Concerto pour un été» dad Alain Morisod ses costum cumplettamain en ina polca solida. Ina chanzun rumantscha ch’è vegnida tramessa al «Choeur des Armaillis de la Gruyère», è vegnida cumplettamain surlavurada da Dominique Gesseney-Rappo: In juvel che va bain a prà cun il sun sonor dal chor viril. Il Coro Alto Ticino ha lavurà vid il toc «Es Burebüebli», fertant ch’il Cantuccini-Quartett ha gì plaschair cun il toc «Amor ticines».

Degn da vegnir menziunà, sper autras perlas, èn dus chanzuns popularas da la Surselva, ch’èn vegnidas interpretadas dad Etienne Crausaz e ses Divert’in Brass-Ensemble. «Der Bierkari trinkt Waadtländer», oriund in valzer en stil da festa da vitg ord ils onns 20, banduna la Svizra centrala. En ils mauns da l’Union Accordéoniste Mixte de Genève datti ordlonder in tango argentin!

1CD co-producida da RTS, RTR, RSI e SRF. 

 

Empustar la CD

 

Thierry Dagon (Trad. Flurin Clalüna)