Pagina iniziala

Associaziun 22.11.2021

<< enavos

ReStart Scena da chors da la Svizra: Sustegn per chors activas al fcs22 ed al SKJF 22

Suenter in pausa sfurzada lunga e stentusa per blers ensembles vai uss en direcziun schluccadas ed occurrenzas cun public. La nova stagiun è en blers lieus schon en preparaziun, ils chalenders d’occurrenza s’empleneschan e chantadur:as, dirigent:as ed ils fans sa legran da visitar las represchentaziuns.

Per dar puspè vita a la scena da chors da la Svizra, metta la direcziun da l’Uniun svizra dals chors a disposiziun meds che duain simplifitgar e gidar per il «ReStart».

Chors ed ensembles che sa preparan per il Festival svizzer da chant fsc22 u per il Festival svizzer per chors d’uffants e giuvenils SKJF 22, pon dumandar per sustegn. Quel duai cumpensar expensas supplementaras sco per exempel mesiras da protecziun u dapli custs per locals da prova ch’i ha dà dapi il matg 2021 resp. tar il ReStart. Dumandar per sustegn pon ins la fin da favrer 2022.

 

Formular da dumonda ReStart Scena da chors


Ils meds èn limitads (contribuziun maximala da CHF 2'000 per chor). Las contribuziuns vegnan surdadas tenor successiun da l’inoltrada; mo dumondas emplenidas or cumplettamain vegnan prendidas encunter (formular da dumonda ed annexas necessarias).

Nus ans legrain sin propostas e da lavurar activamain per dar puspè nova vita a la scena da chors svizra.

 

10 da settember 2021

Per la direcziun

Anna E. Fintelmann