La banca da datas d'adressas da l'Uniun svizra dals chors (USC)

Tge porscha la banca da datas d'adressas?

Il program da la banca da datas d'adressas pussibilitescha ad in chor da far sez praticamain tut l'administraziun e porscha sustegn en spezial en connex cun

  • l'administraziun d'adressas
  • las gratulaziuns d'anniversari
  • la contabilitad
  • las contribuziuns da commembers
  • l'administraziun da notas
  • l'annunzia da represchentaziuns a la SUISA

Las associaziuns retschaivan ina versiun extendida che lubescha da survegnir la survista dals chors en l'atgna associaziun e d'administrar l'atgna suprastanza, ils agens commembers d'onur, etc. Plinavant han ellas differentas pussaivladads d'evaluaziun.

 

Pertge è vegnida introducida la banca da datas d'adressas?

La decisiun è vegnida prendida da la suprastanza centrala il 2008 sin dumonda da la direcziun generala da l'USC. La nova banca da datas d'adressas collia datas sin tut ils nivels (direcziun generala da l'USC, associaziuns chantunalas, districts, chors) uschia che adressas ston per exempel vegnir registradas mo ina giada ed uschia che la furniziun dal «chorus» po vegnir fatga senza sbagls.

Quant custan quests programs?

Ils programs vegnan finanziads da l'USC e distribuids gratuitamain als chors commembers. Il medem vala per las scolaziuns. La valur d'in pachet da program per chors munta a passa 500 francs.

Tge cundiziuns tecnicas èn necessarias?

Necessari è l'access a l'internet ed almain in computer cun il sistem operativ Windows XP, Vista ubain 7 (MS Access è d'avantatg), ubain in MAC cun ina fanestra da Windows. Il chor lavura independentamain cun il program ed è uschia protegì d'influenzas estras. Il barat da datas cun la versiun da l'uniun vegn fatga via e-mail e cun agid da datotecas.

Nua pon ils programs vegnir retratgs?

Ils programs vegnan surdads suenter avair fatg la scolaziun respectiva.

Cura han lieu las scolaziuns?

Las scolaziuns vegnan organisadas da las associaziuns chantunalas ensemen cun la direcziun dal project. Dumondas ston vegnir drizzadas a las suprastanzas chantunalas. Las datas vegnan publitgadas en il «chorus» e sut notizias sin questa pagina-web.

Co vegn il program derasà?

A chaschun da la radunanza da delegads a Sursee l'avrigl 2009 ha gì lieu l'emprima scolaziun sin nivel da las associaziuns chantunalas. Dapi lura lavura ina gronda part da las associaziuns chantunalas activamain cun la banca da datas d'adressas. Entant èn era vegnids instruids utilisaders sin nivel districtual da tschintg associaziuns chantunalas. Plinavant èn ils chors dals chantuns Argovia, Appenzell Dadens e Dadora sco er ils chors dals chantuns da Son Gagl, da Schaffusa, da Sviz e da Turitg vegnids scolads. Ulteriuras scolaziuns suondan.

Nua èn disponiblas ulteriuras infurmaziuns?

Contact per las associaziuns chantunalas ed ils districts:
Agnes Kägi-Känzig (secretariat USC)
SCV-ADB(at)usc-scv.ch
062 824 54 04

Contact per ils chors:
Las persunas da support da las associaziuns chantunalas respectivas e dals districts respectivs.

Direcziun dal project:
Niklaus Gnädinger
schef da las finanzas da l'USC
niklaus.gnaedinger(at)usc-scv.ch