Novitads
<< enavos
83avla sesida da la suprastanza centrala dals 24 da mars a Nossadunnaun
Ils 24 da mars han ils commembers da la suprastanza centrala da l'Uniun svizra dals chors (USC) dà suatientscha a l'invit da l'Uniun chantunala da chant da Sviz ed èn sa scuntrads en l'hotel Drei Könige a Nossadunnaun. L'emprima giada en l'istorgia da l'Uniun chantunala da chant da Sviz èn ils presidents da las uniuns chantunalas da chant sa radunads en il chantun da Sviz. A l'entschatta ha il president Fabian Bucher beneventà tuts cordialmain, en spezial il president central Claude-André Mani ed ils commembers da la direcziun, sco er il president dal district da Nossadunnaun Franz Pirker. Il chor da dunnas da Nossadunnaun sut la batgetta dad Adeline Marty ha fatg l'avertura musicala da la sesida. El ha preschentà insaquantas chanzuns plain schlantsch cun choreografias avant ch'igl ha gì num sa metter a l'elavuraziun da la glista da tractandas lunga.
Cunquai ch'il cassier central actual Otto Mattle sa retira per la radunanza da delegads 2019, èsi stà in'onur per l'Uniun chantunala da chant da Sviz da pudair preschentar cun Bruno Jakob in candidat adattà per quest post. Bruno Jakob è commember dal chor viril da Pfäffikon am Etzel e dapi il 2016 cassier da l'Uniun chantunala da chant da Sviz. Nus avain grond plaschair che la suprastanza centrala ha approvà unanimamain sia candidatura. Uschia vegn proponì Bruno Jakob per l'elecziun a chaschun da la radunanza da delegads da l'USC ils 6 e 7 d'avrigl 2019 a Martigny.
Ultra dal sguard sin la Concurrenza per chors svizra, la revisiun dals rapports annuals e dal quint ed infos davart la nova banca da datas d'adressas han ins anc discutà ulteriuras fatschentas.
Sco punct final da la sesida ha il männerxang Küssnacht am Rigi imponì cun ina grondiusa preschentaziun da chant ed ha fatg la punt a l'aperitiv ed al gentar communabel.
mänerxsang Küsnacht am Rigi
Fotografia: Fabian Bucher
Frauenchor Einsiedeln
Fotografia: Fabian Bucher
La direcziun generala
Fotografia: Fabian Bucher
Fabian Bucher
