Pagina iniziala
<< enavos
Concurrenza Aarau 2017
La Concurrenza svizra da chors ad Aarau ha chattà bun’accoglientscha. 60 chors èn annunziads.
La sonda, ils 28 d’october, a las 09.00, sa preschenta l’emprim chor a la concurrenza. I suonda ina contribuziun suenter l’autra en il center da cultura e congress, en la baselgia refurmada da la citad ed en la baselgia s. Peter e Paul. Fin a las 22.30 preschentan las prest 2’000 chantaduras e chantadurs da l’entira Svizra ina vasta paletta da chanzuns.
La dumengia, ils 29 d’october, cumenza il program a las 08.50 cun las contribuziuns dals chors da giuvenils. Il suentermezdi ha lieu la preschentaziun finala cun ils victurs che sa preschentan anc ina giada al public.
Act festiv “40 onns USC” la sonda, ils 28 d’october 2017 ad Aarau
L’Uniun svizra dals chors chors festivescha ses giubileum da 40 onns. En il rom da la Concurrenza svizra da chors ad Aarau festivescha l’USC ses giubileum cun in pitschen act festiv a las 10.00 en il center da cultura e congress ad Aarau
Tut ils chors da l’USC retschaivan 5 cudeschs da program
Mintga chor commember da l’USC retschaiva 5 cudeschets da program da la concurrenza da chors. Quai cun la supplica d’als reparter a chantaduras e chantadurs interessads. La spediziun dals cudeschets succeda via l’associaziun da chant chantunala. Il program po medemamain vegnir telechargià sin la pagina www.chorwettbewerb.ch.
La prevendita da bigliets d’entrada marscha
A partir d’immediat datti bigliets d’entrada en la prevendita sin la pagina d’internet www.chorwettbewerb.ch. Cun cumprar il bigliet ordavant sa reducescha il temp da spetga a las cassas a l’entrada.
Ulteriuras infurmaziuns
La pagina d’internet www.chorwettbewerb.ch porscha infurmaziuns detagliadas davart lieus ed uras da represchentaziun dals singuls chors ed ulteriuras infurmaziuns d’interess per las visitadras ed ils visitaders.
As reservai ils 28 e 29 d’october per ina visita ad Aarau.
